Над маёй краінай - белае сонца,
Белае сонца ў чырвоных хмарах.
Белае сонца, светлае донца,
Белае сонца,
Што дапаможа нам.
Над маім дахам - белыя птушкі.
Белыя птушкі, чырвоныя крылы.
Белыя птушкі: імёны, мянушкі,
Белыя птушкі,
Што выбіраюць нас.
На ўскрайку леса - белыя коні.
Белыя коні, чырвоныя грывы.
Белыя коні - сімвал з "Пагоні",
Белыя коні,
Што дажыдаюць нас.
У шэрым небе - белыя аблочкі.
Белыя аблочкі з чырвоным краем.
Белыя аблочкі - ясныя вочкі,
Белыя вочкі,
Што давяраюць нам.
Вышылі кашулі чырвонаю ніткай,
Белыя кашулі на юначых целах.
Белыя кашулі хлопцы апранулі.
Белыя кашулі, --
Што абароняць нас.
Чырвоны дзеўкі запелі песню:
Белую песню аб лепшай долі.
Слаўную песню людзі панеслі,
Белую песню,
Што заклікае нас!

Ніка Верас & ВікІнгі