Інтэрнат. Усе паснулі.
Месяц свеціць у аблоках.
Цішыня. І раптам - грукат:
"Тэрмінова адчыніце!!!".
Сіплы голас абуджае
Ўспаміны пра кашмары,
Што палохалі з дзяцінства
Сэрцы маладых дзяўчатак.
Нешта падае ў цемры,
На кагосьці наступаюць.
Сон злятае. Дзверы блока,
Зарыпеўшы, падаюцца,
І праз момант у праёме -
Тры абстрактныя фігуры.
Людзі ў чорным, з ліхтарамі
Асвятляюць кожны ложак
І шукаюць на падлозе
Незапрошаных гасцей.
Ім насустрач з цёмнай шафы
Выбягаюць толькі мышы,
Ды за сценкай глуха вые
Нецвярозы аднакурснік.
Прусакі ідуць у бойку,
Прабягаючы па столі:
Іх шпіёны залятаюць
За каўнер буйным гарохам.
Не хадзіце ж, людзі, ноччу
Па паснуўшых цёмных блоках!
Не шукайце ветра ў полі,
Бо не знойдзеце нічога,
Акрамя буйных праблем. J)

Ніка Верас.