Паветра было вільготнае. У Мядзел мы акунуліся. Дождж не вельмі напалохаў,
але было крыўдна. Мы ўсё ж разлічвалі на спагаду багоў.
Мядзел – гарадок невялічкі, райцэнтр у Мінскай вобласці. Знаходзіцца ён паміж
азёрами Мястра и Баторын. Да сталіцы якія-небудзь 160 кіламетраў, да бліжэйшей
чыгуначнай станцыі Княгін – 35. Да таго ж паблізу і траса «Мінск – Нарач». Выйшаў
на гасцінец, узмахнуў ручкай белай – і, калі пашанцуе, праз пару гадзін ўжо
ў Мінску.
У 1998 годдзе ў Мядзеле жыло 7 тысяч 700 чалавек. Кажуць, зараз жыве дзевяць.
Калі верыць археалагічным дадзеным (а падстаў не верыць ім
няма), ў 11 стагоддзі Мядзел быў памежным горадам Полацкага княства. Да самага
хаатычнага дваццатага стагоддзя горад падзяляўся на Стары і Новы Мядзел.
Стары Мядзел упершыню узгадваецца ў 1454 з нагоды будаўніцтва
тут касцёла. Былое ўладанне Саковічаў, Радзівілаў і іншых заможных людзёў. У
1500-1503 Стары Мядзел разбурылі расейцы. Потым горад зноў адбудавалі.
У 1762 годзе ён атрымаў магдэбургскае права. Каб мець такое права, у горадзе
павінна было быць 20 мураваных будынкаў і 5 брукаваных вуліц.
З 1793 года Стары Мядзел — горад у Вілейскім павеце Расейскай імперыі.
У 1886 годзе ў ім было 254 жыхары, царква, яўрэйскі малітоўны будынак, царкоўна-прыходская
школа, бровар, піўная, карчма.
Новы Мядзел быў разбураны ў 1519 годзе ў час вайны Масквы з
Вялікім Княствам Літоўскім. Драўляным мастом Новы Мядзел злучаўся з каралеўскім
замкам на востраве пасярод возера Мястра. З 1588 года гэта уласнасць сям'і Сапегаў,
Бжастоўскіх і іншых.
У другой палове шаснаццатага стагоддзя тут выраблялася сімпатычная мядзелская
кафля.
З 1793 года — казённае мястэчка ў Рассіі. У 1885 годзе Новы Мядзел
быў цэнтрам воласці Вілейскага павета, у якім было 713 жыхароў, 95 двароў,
царква, касцёл, сінагога, капліца, народнае вучылішча, чатыры крамы, чатыры
заязджальныя карчмы, паштовая станцыя, фельчарскі пункт.
З 1921 года Мядзел ў Польшчы, з верасня 1939 – ў БССР.
З саракавога года Мядзел раптам стаў лічыцца вёскай, з 1959 года – гарадскім
пасёлкам. Толькі ў 1998 годзе Мядзелу зноў дазволілі быць горадам.
Зараз тут ёсць хлебазавод, лясгас, майстэрня па рамонту бытавой тэхнікі і камбінат
кааператыўнай прамысловасці.
Цяпер бліжэй да гераічнага мінулага Мядзелскі замак; дарэчы, у наваколлі
іх было яшчэ шэсць. Але гэты вылучаў яшчэ сам князь Гедымін. Таму і сучасны
турнір, што адбыўся ў Мядзелі, празвалі «Меч Гедыміна».
Мядзелскі замак існаваў у 15-м – пачатку 18-га стагоддзях. Пабудаваны ён на
месцы гарадзічша 11–14 стагоддзяў. Складаўся з мураванай вежы, палаца і знешняга
абарончага комплексу. Меў акруглую вежу-данжон знешнім дыяметрам 17, 5 метра,
унутраным – 10 метраў. Таўшчыня сценаў каля 3,5 метраў. Па параметрах вежа
падобна да Камянецкай.
Пляцоўка Мядзелскага замка была абведзена мурам з валуноў на вапне. З усходняга
боку таўшчыня замкавых муроў была 2 метры, з астатніх, прыхаваных возерам –
1,5-1,7 метраў. Ёсць і пяць мураваных паўкруглых бастэй, папярэдніц бастыёнаў,
– самыя раннія ў Беларусі.
У 17-м стагоддзі вакол замка з'явіўся роў з земляным валам, які запаўняўся
вадой з возера.
Замак разбурылі падчас Паўночнай вайны(1700-1721).
Месца, на якім быў замак, вылучаецца і дагэтуль. Аб тым, якіх рыцараў тут можна
сустрэць зараз, распавядзе Ніка Верас.
Ганна АНДРУШЭВІЧ
|